Ford, I think I am a sofa!!

kann enn að blogga

Tue, 28 Oct 2008 23:54:19 GMT

.... en hef ekkert að segja...

Já, langt síðan síðast, satt er það.
skólinn langt kominn, mánuður eftir sem er spes því að ég er nýbyrjuð!
Ég er núna að vinna styttri vinnudag vegna skólans en sökum kreppu og verðbólgu (lesist sem "Freyja er blönk") þá vil ég endilega lengja vinnutímann minn aftur. Kemur brátt í ljós hvernig nóvember verður.

Það var nú ekki tekið út með sældinni að vera gjaldkeri í miðjum bankaátökum, úff... en við lifðum þetta af og minn banki, Byr, er að standa sig mjög vel, enda vinn ég með yndislegu fólki..... og hvað er betra? Núna starfa ég á 2. hæð, komin úr afgreiðslu og komin í bakvinnsluna.... ósköp gott að vera þar og hlakka ég til að beita mér betur í mínum verkefnum í framtíðinni... jiii hvað ég er orðin eitthvað hátíðleg hérna....

Já, á milli þess sem ég læri og vinn þá er ég orðin ansi háð því að brjóta lög með niðurhali. Það eru bara svo margar bíómyndir, þættir og tónlist out there... waiting to be heard and seen. Ég get réttlætt þetta áhorf með því að ég er smátt og smátt að læra meiri ensku.... ég reyni að taka eftir nýjum orðum og hreim og svona... og þegar sá gállinn er á mér, þá skoða ég orðabækur til að forvitnast enn meira.... oftast nær nota ég www.m-w.com sem er SNILLD.... ef einhver veit um skemmtilega orðabók á netinu, let me know!

Annars bara allt í góðu hjá mér....

gott að vera komin aftur 8|

þannin' aaaaaaaað

Fri, 04 Jul 2008 22:55:06 GMT

Styttist í annan endann á sumarfríinu, ó men....... ég sem ætlaði að nota tímann til að taka til í skápum og setja upp hillur og gera íbúðina meira kósí...... ég hef hins vegar staðið mig vel í áti og drykkju, sér ekki fyrir endann á þeirri iðju anytime soon..... gónt á þætti og bíómyndir í tölvunni, það sem nýjustu uppáhaldsþættirnir eru QI með Stephen Fry... ég á 1, 2. og 4. seríu.... alveg frábærir þættir fyrir forvitna.

Ég er líka búin að afreka að fara í góðan bíltúr með foreldrum, Gunnu og Lúx. Við skutumst austur í Ásbyrgi og snæddum nesti í bílnum sökum hellirigningar sem gerði þar eystra. Stoppuðum í Sultum hjá Höllu og Hreiðari (foreldrum Olgunnar) og þáðum pönnsur og kaffi.

Ég er orðin assgoti klár í partýhaldi.... það þriðja í uppsiglingu á jafnmörgum helgum...... þetta er bara eins og á fyrstu önnum VMA.... nema ég hélt yfirleitt ekki partýin, en ég mætti bara.....

Aldurinn, sem senn færist yfir, ber með sér mikinn þroska og finn ég í auknum mæli fyrir trausti í minn garð. Mitt stærsta hlutverk til þessa er Bryndís og Toni treysta mér til að vera guðmóðir hans Viktors Freys.... ég var agalega montinn bæði af stöðunni sem og nafninu á drengnum.... monti monti mont......

Jæja, föstudagskvöld.... ömurleg sjónvarpsdagskrá, Olga á leiðinni, gæti alveg eins verið að við kíktum í bæinn... svona til að hita upp fyrir annað kvöld..... þá mun ég dansa til að gleyma...... kannski drekka smá..... en bara rétt nóg til að gleyma.... held það bara...

Hafið það gott, holdagyðjan kveður að sinni...

Suuuuuuumarfrí

Mon, 23 Jun 2008 18:03:42 GMT

yndislegt að vera í sumarfríi... fyrsti dagurinn og hann byrjaði með því að ég vaknaði 06:16 við það að nágranni var að kalla á hvuttann sinn, sá hafði fengið að fara út að spræna í morgunsárið (hvutti, held að eigandi geri sitt innan dyra þó að ég viti það ekki fyrir víst) og nú var blístrað af mikilli list. Eins og Lýður lottó segir, þá er bara svo gott að fara aftur að sofa svo að ég var ekkert pirruð, enda eru rólyndi og umburðarlyndi vinir mínir. Ég svaf til að verða 9 þegar ég heyði þvílíku drunurnar fyrir utan gluggann minn, það er einkennilegu staður, milli svefns og vöku, þar sem maður greinir hlutina ekki svo gáfulega... ég hélt, að af látunum að dæma, að þarna væru samankomnar allar helstu vinnuvélarnar í bænum.... sorphirðingjarnir og bæjarstarfsmenn að slá og snyrta, gott ef ég heyrði ekki í ýtum og greindi ég líka gröfu... en nei, þegar út var litið þá var þarna staddur einn drengur með sláttuorf... mér til afsökunar þá var hann staddur beint undir mínum glugga. Ég náði að dotta og kúra fram til 11, það var gott.

Ég naut sólar í dag, það var gott, ég get sko alveg verið á bossanum á svölunum mínum, þær eru svo rammsteyptar í gegn að engin sér á þær nema flugfólk bæjarins og jú,blessaðir fuglarnir... ég er nú ekki að segja að ég sé alltaf böttnegget þarna en vissulega bjóða aðstæður upp á það. Ég er ekki enn búin að fá mér einhvern prófessjonal-sól-stól/bedda, notast við tvöfalt teppi og ligg róleg á því. Ég er nú meðlimur ofur-hvíta kynstofnsins svo að ég verð að vara mig á að sleikja sólina í takmarkaðan tíma. Ég er reyndar mjög lengi að taka lit en freknur (sem eru, gott fólk, ekkert nema ryðgaðar stáltaugar) eru fljótar að birtast, ég bíð bara eftir að þær tengist innbyrðist til að mynda svona dekkri hulu yfir andlit mitt, svo að ég geti pósað sem "tönnuð". Samt ekki hel, næ því ekki nema með nivea úr dollu.

Sumarfríið verður nýtt í hvíld og tiltekt, finnst ég þurfa að koma íbúðinni yndislegu í betra horf, hengja upp hillur og myndir, ég er komin með húsblindu á háu stigi og þarf að minna mig á að ég með rússaperur hangandi í loftunum hjá mér. Ég verð seint sökuð um snobb.... Mér líður afar vel með rússunum. Ég fer svo suður í lok vikunnar og sæki hinn helminginn minn, í tvær vikur verður kjarninn complete.... jú, Gunnan á heimleið... Hún ætlar að halda í hönd mína þegar ég verð aaaaðeins eldri og hughreysta mig á þeim tímamótum. Ég er samt farin að segja (sjálfsblekking er ÆÐI) að ég sé alls ekki gömul, það er bara langt síðan ég fæddist.

Gamla hyggur líka á nám í vetur, hún treystir sér í það þrátt fyrir háan aldur...skál fyrir því.

Yndislegustu fréttirnar eru nú samt þær að Bryndís og Toni eignuðust gullmola á föstudaginn, yndislegur 16 marka drengur og á fyrstu myndinni er hann bara alveg eins og eldra gullið þeirra, hann Oliver Darri. Hann kemst vonandi sem fyrst heim til mömmu og pabba og ég hlakka mikið til að hitta hann í lok vikunnar...

Nóg í bili, ég á enn eftir að skúra síðan ég var með stelpupartý um síðustu helgi.... GAMAN........

Kannski blogga ég meira í fríinu, aldrei að vita, þetta er allavegana góð byrjun!

.........finally

Fri, 23 May 2008 23:59:50 GMT

ég hef nú ekki staðið mig með mikilli prýði hérna á blogginu.... þið hafið líklega haldið að ég hefði svona mikið að gera.... neeeeeee, ekki alveg rétt. Bara leti sem er að hrjá mig, jú og hugmyndaleysi. Mér finnst leiðinlegt að lesa blogg um ekkert.... ég vildi bara hlífa ykkur...

En jæja, ég bloggaði ekki til að afsaka mig :)

Síðan ég skrifaði hingað inn síðast hefur jú margt gerst, fjöldamörg afmæli t.d. núna síðast hún Nanna Ýr á sunnudaginn fyrir viku, svo hún Olga, og Hanna Lína, Sjöfn, Sædís, Soffía. Þær eiga það nú sameiginlegt dömurnar að vera yndislegar hver á sinn hátt og margt eiga þær sameiginlegt innbyrðis, t.d. Hanna og Nanna ríma og voru eitt sinn voða góðar vinkonur, Nanna, Hanna, Sjöfn og Soffía tengjast Árskógsströndinni góðu, Sædís, Sjöfn og Soffía eiga sama uphafsstaf, Hanna þekkir yngri systur Olgu, Sædís þekkir frænku Nönnu.... já, við getum lengi talið.... Heimurinn minnkar voðalega mikið þegar maður nær svona tengingum, þetta er eins og facebook, þar sér maður hverjir þekkjast og oft kemur það manni á óvart, mjög gaman að því..... "öll dýrin í skóginum" fílingur

Mér finnst mjög erfitt að viðurkenna þegar ég er veik. Ég skal vera sterk núna og segja ykkur sannleikann.. ég er veik.

Ég fór heim úr vinnu fyrir hádegi í dag því að ég var farin að hósta og hnerra framan í viðskiptavinina, ekki alveg sú þjónusta sem ég vil bjóða uppá. Ég tel mig lánsama að hafa enn innvortis mín lungu og restina af lifrinni minni, svo mikil voru lætin í mér. Ég er mjög ósanngjörn við sjálfa mig, mér finnst eðlilegt að aðrir grípi pestar og verði veikt, en ekki ég..... ég lifi í heimi þar sem "það er ekkert að mér" er mantran mín... ég er svo hörð á því að verða aldrei neitt fórnarlamb og ég kæri mig ekki um vorkunn. Held að það séu leyfar af hörkunni minni sem ég uppgötvaði að ég ætti fyrir 7 árum síðan.

Ég er ekki stolt af vinnuferli síðustu viku, ég var veik á mánudaginn síðasta og á föstudegi..... hmmmmmm hljómar mjög illa. Hljómar eins og djammveikindi. Það finnst mér ekki gott. Ég er líka að missa af voða spennandi grill-júró partýi fyrir sunnan. Elma og Anna Rut mæta galvaskar og taka stöðuna fyrir mig þar, ég vænti þess stúlkur að fá skýrslu..... ;)

Snúum okkur nú að júróvisjon, sem mér sýnist vera örlítið minna júgóvisjon en áður.... mikið stóðu Friðrik Ómar og hún Regína Ósk sig vel. Þau voru svo miklir fagmenn og það hreinlega geislaði af þeim. Þetta var samt pínu eins og aría-auglýsing, hel-tannaðar blondínur, en þau voru æði. Ég var svo glöð og ég hlakka til að sjá þau í aðalkeppninni. Eins gaman og mér finnst að horfa á júrólögin og "dæma" (jújú, sitjandi sjálf á breiðum botninum, laglaus með öllu, hmmm, steinar og glerhús) þá er dásamlegt þegar Sigmar lýsir keppninni. Hann átti snilldarpunkt á þriðjudaginn, honum þótti ameríska prinsessan frá Póllandi miður spennandi og taldi hana eiga lögheimili í ljósabekk. Ég man ekkert eftir laginu en þessa setningu man ég. Sigmar ætti líka að fá stig.

Ég verð líklega ein upp í sófa annað kvöld, með snýtubréf og hálsmola við höndina, hnerrandi og hóstandi. Ekkert júrópartý hjá mér :(

Að öðru máli. Ég er agalega glöð með að myndum af okkur samstarfsfólkinu var troðið inn í hverja eina og einustu bréfalúgu hér í bæ (lesist með kaldhæðnisróm). Þó að ég sé ekki fyllilega sátt við útkomuna þá er ég fegin því að photoshoppun er notuð í miklum mæli. Ég bað þessa ungu ljósmyndara sem komu og smelltu af okkur myndum að vinna mína mynd sérlega vel, ég er jú sú eina á myndunum sem er einhleypa...... í fyrstu voru þeir hálf vandræðalegir en þegar ég bað þá að gera mig eins mjóa og eina af samstarfskonunum mínum og var með fleiri kröfur þá áttuðu þeir sig á því að ég var bara að grínast. Þeir hafa líklega gert sitt besta blessaðir. Þessar myndir eru nú til margra hluta nytsamlegar, Árný bauð mér í heimsókn fyrir viku síðan, Anna Lóa var þar og þeim vara nú eitthvað farið að lengja eftir mér, jújú, ég er alltaf síðust að mæta....... þá bara stilltu þær myndinni upp og voilá, Freyja með í partýinu!!!

jæja, ég hef ekkert meira að segja í bili..... kem kannski með meira spennandi framtíðaráformsfréttir í næstu færslu.

Eitt að lokum, haldiði að bróðir minn sé ekki að fara til systur minnar og þau fara saman á radiohead tónleika..... allt í lagi þá, ég verð bara á Akureyri og hlusta á radiohead í mp3 spilaranum mínum.... same thing, ehe??

enn einni vikunni að ljúka

Thu, 27 Mar 2008 22:15:31 GMT

ég afsaka leiðinlegt blogg síðast, það er fátt verra en að lesa leiðinleg blogg.... nógu mikil er tímasóunin á netinu.....

Þetta verður nú ekki langt hjá mér núna, langaði bara að segja að ég hef lokið við þetta gamaldags drasl sem heitir skattaskýrsla... alveg fáránlegt. Næstum allt forskráð nema það sem er klikkað flókið eins og t.d. hlutabréf.... alveg hef ég lent í tómu veseni með þessa örfáu snepla af Decode bréfum sem ég á.... verst að þau hafa lækkað svo gríðarlega að ef ég myndi selja núna myndi ég kannski ná 30.000 hagnaði, ekki meira.... ég ligg á þeim næstu árin, hef trú á Kára....
Nú, aftur að skrattaskýrslunni. Mér finnst ótrúlega gamaldags að fylla út þetta dót, jafnvel þó sé verið að nútímavæða þetta með vefskilum, you don't fool me sko, alveg jafn glatað þó að skatturinn sé kominn með ".is".
Ef maður tekur sér eitthvað skáldaleyfir við útfyllingu (sem ég myndi ekki gera.... þori ekki að lenda í neinu veseni) þá koma villuboð...... af hverju er þá verið að pína fólk í þetta fyrst "kerfið" skynjar villurnar?
Reyndar er gott að þessi villuboð komi, ég t.d. gleymdi að setja rúmar 400.000 í lántökukostnað á skýrsluna, veit ekki hvurt einhverju hefði munað næsta ágúst.... gæti verið að það hefði haft einhver áhrif. En þetta hafðist að lokum og skýrslu var skilað og ég ætti skv. útreikningum að fá smá summu i vaxtabætur ..... jeijjjj....
Eini kosturinn við skattaskýrsluna er að þá fer maður yfir bókhaldið sitt..... það ýtir nú alltaf við manni þegar maður sér vísa-skuldina um áramót og bankainnstæður, já eða -útistæður öllu heldur... batnandi manni er best að lifa.... ég fer bráðum að spara.
Það gæti alveg verið að ég hafi tuðað svona á sama tíma í fyrra, ég á það til að væla lengi yfir sömu hlutunum.... sorry gæs!

Já, eins gamaldags og mér finnst skattaskýrsluskil, þá eru blæðingar kvenna alveg ótrúlega gamaldags. Ekki er hægt að breyta þessu nema að stútfylla líkaman af hormónum og það þola nú ekki allir kroppar. Rétt upp hönd sem finnst túr gamaldags!!
Ég meina, ég get farið á netið heima hjá mér án þess að nein snúra sé tengd tölvunni minni, ég get sent systur minni í öðru landi skilaboð á símanum sem tekur varla mínútu að ná til hennar. Það er hægt að græða nýtt hjarta í manneskju en við förum enn á túr?
Hvað hafa kvenkyns vísindamenn verið að gera öll þessi ár? Ég er nú ekki að meina að taka alla úr sambandi og slökkva á kerfunum, en kommon, óld skúl stöff.

Jæja, ég verð nú að segja að ég var í Prag um páskana. Alveg frábær ferð og yndislegt fólk sem ég ferðaðist með. Tékkneska krónan var nú búin að hækka töluvert svo að enginn missti sig nú í verslun.... ég keypti bara smá...... engan kristal, bara jakka, og kjól, og skó, og skó, og trefil, og bol....
Við höfðum nóg fyrir stafni og tvö kvöld fóru t.d. í keilu, snilld.... ég er ekki góð í keilu. Það kom berlega í ljós en mig langar rosalega að fara aftur í keilu...
Síðasta daginn (sunnudaginn) áttaði ég mig á því að tíminn var að renna út og ég gat nú ekki farið frá Prag án þess að skoða Karlsbrúnna.... ég tók því lest, og svo aðra lest, gekk hröðum skrefum og vonaði heitt og innilega að það væri í rétt átt. Jú, heilmikið mannvirki blasti við mér og ég tók upp myndavél, smellti af hægri vinstri, sikk-sakkaði í gegnum mannhafið á brúnni yfir á hinn endann, snér við og strunsaði aftur yfir. Fór á ógnarhraða aftur á lestarstöðina, rataði mér til undrunar, fór í lest, svo aðra og svo aðra og heim á hótel, skipti um föt, lagaði fésið og fór á svaka flottan veitingastað með samstarfsfélögum.... yndislegt!! Þá var bara ferðin búin... ég náði að sjá Karlsbrúnna og gyðingakirkjugarðinn á mörgum hæðum.... reyndar var kirkjugarðurinn lokaður en það var smá gat á hurð og ég tók nokkrar myndir í gegnum það.... já, maður bjargar sér!!

Jæja, ég sagðist ekki ætla að hafa þetta langt..... sveik það eins og svo margt annað sem ég segi :/

Samantekt: búin að skila skattaskýrslu, komin heim frá Prag... og já, er að fara að setja upp hillur í geymslunni... ójá, bara 7 mánuðir síðan ég flutti inn og hugsaði mér að ég þyrfti að setja upp hillur í geymslunni.... kemst þótt hægt fari.... já, ekki minna mikilvægt, ég eignaðist litla frænku á mánudaginn, hann Kristófer litli frændi er orðinn pabbi.... strákurinn....... ég passaði þetta barn þegar hann var lítill.... gamla ég!!

Góða helgi góða fólk...

borgin heimsótt

Wed, 19 Mar 2008 20:09:08 GMT

borgin var heimsótt síðustu helgi.....
Ég og Elma Rún fórum með flugi seinni part föstudags suður á bóginn... tónleikar með Sálinni og heimsókn til Önnu Rutar voru ástæður ferðarinnar. Snilld allt saman. Tónleikarnir voru alveg hreint frábærir, við sungum hástöfum og dilluðum í takt við tónlist og troðning. Ég hitti svo Bryndísi og Oliver og fórum við skyldurúnt í IKEA. Anna hélt partý á laugardagskvöldið og spiluðum við partý og có uns við héldum í bæinn.... á Apótekið. Það er spes staður. Mér fannst ég vanhæf að vera þar inni. Ég var ekki búin með nógu marga ljósatíma, ég hef ekki farið í silikon-aðgerð, ég var ekki með rétta blingið, ég er ekki fræg, ég var engan vegin með nógu myndarlega og sýnilega skoru (ég er að tala um brjósta....., hin er alveg plenty). Þetta var svolítið spes en ég skemmti mér rosalega vel með stelpunum mínum á dansgólfinu...
Rétt áður en ég flaug heim á Norðurlandið skaust ég í fermingarveislu hjá Rakel minni. Gaman að hitta svo marga úr fjölskyldunni en leiðinlegt að hafa ekki stoppað lengur... flugið mitt var kl 8, pabbi skaust með mig á völlinn þegar ég var að kyngja síðustu bitunum af kræsingunum.
Nú, ég þarf svo að pakka aftur niður í kvöld því ég er að fara til Prag. Mér létti töluvert þegar ég fann vegabréfið mitt áðan..... var nánast því viss um staðsetninguna en þó ekki alveg viss, alveg dæmigert fyrir mig að vera ekki búin að taka það til fyrir löngu. Það verður víst svolítið kalt þarna ytra svo að ég tek húfu, vettlinga, trefil og hlýja sokka með mér..... Ég vona að það viðri betur á foreldrana, þau fara til Dublin um páskana. Það þýðir að Trausti þarf að hugsa um bróður sinn og systurdóttur í fjarveru fjölskyldunnar.

Jæja, þá er leiðinlegu bloggi lokið, svolítið svona dauft miðað við síðustu færslu, ég er ekki haldin neinum grillum um að ég sé alltaf sniðug og skemmtileg þó að mér hafi fundist gaman að skrifa lambakjötssöguna...

hafið það gott og eigið nú góða og friðsæla páska. Ég vil svo fá að vita malshættina ykkar.... ok?

Einn af mínum uppáhalds er "sæt er lykt úr eigin rassi". Vil samt benda á að það er nú ekki alltaf verið að meina þetta bókstaflega, hence the "málsháttur".

bæ

smásaga í skammdeginu

Fri, 29 Feb 2008 00:21:14 GMT

Þessa litlu sögu ætla ég að kalla

Freyja og lambakjötið

Vinnudegi lauk og Freyjan var önug eftir hann. Mikill erill var í vinnunni og það tók á taugarnar. Hún vissi vel að þessir hlutir sem pirruðu hana skiptu nákvæmlega engu máli. Hún klæddi sig í vettlingana og smellti húfunni á kollinn, Ók beinustu leið heim. Ergelsið jókst til muna þegar hún lét eftir sér að pirrast yfir því að aldni bíllinn hennar lét illa upp brekkurnar. Hún var nú alltaf tilbúin að tengjast Pollýönnu, það gerði allt auðveldara, hún samdi frið við bílinn því að hún hefði verið miklu lengur að labba heim. Af tvennu illu var betra að nota bensínsvanga bílinn. Þegar heim var komið tók fallega kisan hennar á móti henni. Það kætti hana alltaf jafnmikið að fá slíkar mótttökur. Ennfremur minnti það hana á einhvern tómleika.
Hana langaði í lambakjöt.
Það var henni ofarlega í huga.

Eftir að hafa lufsast um íbúðina sína þar til kvöldaði, byrjaði hún að hafa sig til. Hún setti sléttujárnið í samband, jók á kinnalitinn, fann glossið sitt og smurði varirnar. Renndi heitu járninu í gegnum mestu ójöfnurnar og lagaði augnblýantinn. Ákvað að fara í gallabuxunum sínum og háa hæla við. Henni leið alltaf betur þegar hún virtist hærri. Það lagaði hlutföllinn til hins betra. Hún var minna hnöttótt. Samt langaði hana í lambakjöt. Hún fann einhvern spenning myndast í líkamanum og vissi að eitthvað spennandi var í vændum.

Hún ók af stað niður í bæ án þess að sjá götuljósin speglast á húddinu. Hún eyddi ekki miklum tíma í að þrífa bílinn. Taldi sér trú um að ef hún hefðu nú drifið í að endurnýja bílinn þá væri hann hreinni. Út um allt sá hún glæsilegri stelpur á glæsilegri bílum, hvernig er hægt að keppa við það? Árgerð '77 á árgerð '96.

Hún lagði bílnum í miðbænum. Skimaði í kringum sig en sá engan sem hún þekkti. Ekki minnkaði spenningurinn og eftirvæntingin við að standa þarna á bílaplaninu, vitandi hvað var í vændum eftir örskamma stund. Allt í einu greip hana uggur. Hvað ef henni yrði ekki hleypt inn? Klukkan var orðin þar margt að það var ekki sjálfgefið að fá aðgang. Þær áhyggjur voru óþarfar, hurðin opnaðist um leið og hún nálgaðist. Hún gekk inn og labbaði upp stigann. Hún róaðist töluvert þegar hún heyrði kunnuglegt skvaldur. Hún gekk inn og heilsaði upp á vinnufélagana. Klukkan var orðin 8 og þau voru saman komin til að spila bingó. Stórskemmtilegt kvöld sem endaði í að Freyjan vann tvo bíómiða, trefil (þrælgæjó) og viti menn, villikryddað lambalæri. já Freyjan vissi að hún fengi lambakjöt.

Já, svona er þetta bara, ég vann 3 vinninga á bingóinu hjá starfsmannafélaginu, það var gaman....
Ég vil nú bara þakka Bjarka fyrir bráðsnjalla hugmynd í sambandi við leigjendur. Ég hugsa að ég kíki í bæinn um helgina og skoði málið..... ekkert mál að redda kojum!!!

Lifið heil!!!

og febrúar að renna sitt skeið

Wed, 20 Feb 2008 22:02:06 GMT

ég er arfaslök í blogginu.... jájájá. Hef bara ekki haft mikið að segja svo að ég hlífði ykkur við innihaldslausu rausi, verið bara þakklát!

Sjónvarpsefni hefur heltekið líf mitt, er með fría mánaðaráskrift hjá skjánum og líkar það.... reyndar eru þetta of margar stöðvar svo að maður heldur alltaf að það sé betra efna á annari stöð en það er rangt...... finnst skemmtilegast að flakka á milli tónlistarstöðvanna þegar ég er að gera eitthvað annað og svo koma skandinavísku stöðvarnar sterkar inn. Á hinn bóginn er ég að góna á of mikið af bíómyndum og sjónvarpsþáttum í tölvunni. Þar að auki pantaði ég mér the Migthy Boosh og the Black Books á amazon og á eftir að horfa á það.... ómæ...
Ég held að ég verði bara að hætta að djamma til að komast yfir allt þetta efni. Djammtíðnin hefur reyndar hrapað niður hjá mér eftir að ég fór að vinna um helgar... það tekur nú á taugarnar að vinna 7 daga vikunnar en það er nú ekkert víst að ég haldi þessu neitt mikið áfram. Það er nefnilega ekki tekið út með sældinni að eiga æðislega íbúð (úúúúúúú fórnarlamb) og reka hana ein... ónei..... neyðin kennir þið vitið....

Verð að segja.... mig drullulangar í kjólinn sem hún Leona Lewis klæðist í myndbandinu sínu "bleeding love". sá silfraði.... geggjaður, en ég get vel ímyndað mér hvernig hann færi mínum kroppi, ástarbaggar út um allt og mjaðmir sem ná heimsálfa á milli.... still want it.... bara til að geyma í skápnum mínum og vera í heima ..... við uppvaskið....
Já, ekki er mikið að gerast fyrst ég fer að skrifa um kjól sem mig langar í....

Læt þetta duga í kvöld, ég læt ykkur vita ef mig langar í einhvern anna kjól....

F

handbolti again....

Sat, 19 Jan 2008 20:15:17 GMT

Leikurinn í dag var nú ögn skárri.... sem og skapið mitt. Ég sá ekki fyrri hálfleik þar sem ég var svo ábyrg að skipta um sand á náðhúsinu hennar Fífu og aðeins að ryksuga íbúðina, krossbrá þegar ég áttaði mig á því hvað tímanum leið. Náði að sjá þá sigra og þá get ég dansaði í kvöld, ef ég gleymi einhverju þá er það ekki handbolta að kenna..... einhverju öðru.

Ég var alveg komin að því að kasta út kommóðunum mínum og hinum ýmsustu smáhlutum úr íbúðinni eftir tapið gegn svíum, vildi losna við öll sænsk IKEA áhrif en gerði það ekki sökum leti. Ég hugsa að ég leyfi þeim að vera. Ég vil nú taka það fram að ég hætti alls ekki að elska íslenska landsliðið, ónei, ég bara fann fyrir mikilli gremju í garð alls þess er sænskt er. Ég er að jafna mig, finn að það er barnalegt að hugsa svona.

Leikur gegn frökkum á morgun, vona að íslensku strákarnir brjóti þá bara snyrtilega saman. Ég bíð spennt við skjáinn og sendi bestu straumana mína til Noregs.

Góðar stundir, og eins og Árni okkar Matthiesen segir, þá er mjög erfitt að spá fyrir um hlutina, og þá sérstaklega framtíðina. Mikið gladdi hann mig með þessum orðum.

P.s. hvað er málið með Laugardagslögin? Eiga öll lögin að komast í undanúrslit? Það er sífellt verið að velja úr "taplögunum". Við eigum bara að senda dökkhærða strákinn sem syngur ekkert svo rosalega vel en var með flottasta lagið og flottasta flutninginn.... eftir hana Svölu Björgvins minnir mig.

Handbolti

Thu, 17 Jan 2008 19:12:10 GMT

ómægad ómægad ómægad

Leikurinn er alveg að byrja.........

Gífurleg spenna og taugatitringur

gleymdi Josh

Sat, 12 Jan 2008 19:10:47 GMT

Ég vil byrja á að þakka Möggu minni fyrir ábendinguna..... í þessari upptalningu minni í færslunni hér á undan um þá góðu hluti sem uppúr stóðu 2007, gleymdi ég að minnast á hann Josh okkar Groban. Ég fór einmitt suður á tónleika með honum. Bauð Bryndísi með mér og við fórum með Möggu og Ástu á tónleikana.... Afar gaman. Alveg hreint dásamlegt. Held líka að ég hafi gleymt óvæntu afmælisveislunni sem Gunna skipulagði í sumar. Ég kom heim á Hauganes í mat og þá biðu mín foreldrar, systir og 4 vinkonur mínar með samtals 6 börnum. Þetta var frábær stund, við sátum og átum, tókum myndir og fórum svo í dýragarðinn á Krossum. Yndislegt. Frábært. Dásamlegt. Nauðsynlegt að eiga góða vini og fjölskyldu. Forréttindi.

Ég hef nú ekkert annað að segja í dag fyrir utan að mig langaði að minnast á hugrenningar mínar um það hversu vel heppnað eintak hann Justin Timberlake er, já, mjöööög vel heppnað. Það er nefnilega verið að sýna tónleikana hans á Skjá 1 og ég var svitna og slefa til skiptis. Ég horfði á þá í fyrra skiptið sem þeir voru sýndir og mér leiðist ekkert..... plís ekki hringja í mig né kíkja í heimsókn fyrr en þetta er búið.....

Góða helgi allir og lengi lifi frægðarsól Justins.....

2008........

Sat, 05 Jan 2008 20:23:31 GMT

Gleðilegt nýtt ár kæru lesendur

Árið 2007 var ansi hreint gott á margan hátt en auðvitað komu erfiðar stundir.... þær verða ekkert umflúnar. Við verðum bara að eiga við þær á okkar hátt og vera til taks fyrir okkar nánustu.

Ég ætla ekki að hafa neitt drama hérna því að við verðum að horfa á góðu hliðarnar, eins og Stefán Hilmars og Sverrir Stormsker leiðbeindu okkur í gamla daga. "Horfð´á björtu hliðarnar, heimstyrjaldir verða í öðrum löndum"

Það sem stendur hæst hjá mér eru íbúðakaupin í ágúst. Mér líður afskaplega vel hérna í Naustahverfi í of stórri íbúð. Ég hef nú náð að nýta plássið ansi vel og Fífa unir sér vel og finnst æði að geta verið svona mikið úti á svölum. Pabbi stóð sig eins og hetja við að fínisera íbúðina fyrir mig, parketlagði og negldi og skrúfaði..... Frábært!

Nú, ég skrapp til útlanda, tvisvar til Dublin, fyrst í mars, á St. Patricks day, svo aftur í lok nóv. með Elmu Rún. Ég og Gunna´fórum líka til Kaupmannahafnar í júlí, heimsóttum Önnu Mjöll og Heiðu og Hara. Höfnin er æði og væri ég til í að búa þar ef ég gæti tekið íbúðina mína með mér ;)

Stelpuferð í sumarbústaðinn í Aðaldal er líka ofarlega í huga, mikið borðað og drukkið og setið fram á morgun í heitum potti og ýmis mál rædd.

Ég er líka stolt af því að hafa verið með hópi krakka heiman að sem fóru í áheitagöngu í apríl. Jóhann Valdimar, sem lést í lok nóvember, var ástæða göngunnar. Hann stóð sig svo vel og hann átti svo sannarlega hóp af fólki í kringum sig sem hugsuðu hlýtt til hans. Við notuðum einn laugardag til þess að ganga frá Árskógarskóla alla leið inn í Eyjafjörð. Þetta var frábært framtak og frábært að hafa tekið þátt. Þó að ég hafi nú ekki þekkt Jóhann mikið persónulega þá þekki ég mikið hans fólk, einnig er málið mér mjög skylt þar sem ég hef sloppið vel sjálf í gegnum lífið og liðin eru 6 og hálft ár síðan ég hef þurft að hafa áhyggjur af mér. Því miður eru ekki allir jafn heppnir.

Jólin hjá mér einkenndust af skemmtanahaldi, vinnu og svefnleysi. Flott blanda það. Ég var að skúra flestar helgar í desember og meira að segja tvisvar á Þorláksmessu. Bara hressandi. Gunna var á landinu yfir jólin og er hún nýlent í Reykjavík þar sem hún verður hjá Bryndísi í nótt og flýgur svo til Dublin á morgun. 'Eg held að ég hafi vaskað upp einu sinni síðan hún kom, hún er bara duglegri en ég.... verður bara að viðurkennast!!! Ég þarf víst að fara að ryksuga og skúra sjálf..... er einmitt að fara að hugsa mér til hreyfings því að ryk-kanínurnar eru orðnar ansi vænar hjá mér.

hafið það gott og ég hugsa að ég smelli inn nokkrum myndum frá jólum og áramótum. Mér er nú enin vorkunn lengur, fékk hvorki fleiri né færri en 3 þrífætur í jólagjöf...... engar afakanir lengur!!!!

hafði það ævinlega afsakplega gott!!

Jólin að bresta á

Mon, 17 Dec 2007 20:23:15 GMT

Jæja, ætli það hafi nú ekki nokkuð mikið vatn runnið til sjávar síðan ég var í Dublin.....

Ég er sem sagt heima á Akureyri og hætt að skoða Dublin...... framtakssemin að fara með mig, hef ekki setti stafi á eitt einasta jólakort, fékk sting í brjóstholið þegar ég fékk jólakort í póstinum í síðustu viku..... ég er ekki byrjuð á neinu.... jaaaa fyrir utan að klína jólaseríu í tvo glugga og ég er nú búin að afreka að kaupa 6 jólagjafir..... eeeeelvíti gott.

Nú, í bloggleysinu er ég nú ekki búin að sitja aðgerðalaus.... óneinei, búin að horfa á allar 3 seríurnar af Arrested Development.... mjög skondnir þættir, ég er líka búin að góna reglulega á Gray´s Anatomy, Bones og Private Practise, verst að þetta verkfall handritshöfunda hamlar glápi. Það er vont. Ég er líka komin með helgarvinnu, já nú verða einhverjir undrandi. Þetta er way out of character..... ég er sem sagt farin að skúra á morgnanna um helgar. Þeir sem þekkja mig best súpa líklegast hveljur þessa stundina.... "Freyja, skúra?" "Freyja, vakna snemma um helgar?". Þessar tvær athafnir eru mér framandi en mér fannst rétt að kanna órannsökuð svæði. Tímabundið.

Horfði einhver á þáttinn hennar Evu Maríu á sunnudagskvöldið? Ég sat í hægindastól á Hauganesi með rokna slátur- og stöppusvima og horfði á viðtal við konu sem á svakalega geitahjörð. Ég fylltist öfund.... mín framtíðarplön eru hreinlega að búa út í sveit, með hænur og geit -ur. (rímaði bara í eintölu!!!). Ég hugsa að það yrði ekki slæmt a vera búin að mennta sig á einhverju sviði sem leyfði heimavinnu (hóst hóst, þýðingar, hóst) og svo er tími til að sinna fallegu geitahjörðinni, mjólka og búa til osta og hugsa um dýrin sín. Ég held að þetta geti verið gott. Á tuttugu ára planinu mínu er allavega ein geit....... ég þori ekki að lofa meiru því að blessaður geitaeigandinn er við að það gefast upp á rekstrinum því að það má hvorki selja mjólkina né kjötið af geitinni svo að þetta er ekki búskapur til að lifa af á....... Góð aukabúgrein.....

Jæja, læt þetta duga, má ekki skrifa of mikið, þá er hætt við því að ég skrifi ekki fyrr en á nýju ári....

Hafði það gott

Er í Dublin..... gaman að vanda

Fri, 23 Nov 2007 18:40:36 GMT

Já, ég er enn og aftur í Dublin, þetta er yndislegt. Þessi færsla verður örstutt, við Elma komum hingað 5 tímum á eftir áætlun, þökk sé hátæknivædda fyrirtækinu Ryanair. já, handskrifaðir boarding passar og talið 4 sinnum í vélinni. Smart. En til Dublin náðum við loks. Erum búnar að skoða eina verslunarmiðstöð og var sú ferð árangursrík. Við erum einungis með lauslegt plan, kvöldverður með Helene dönsku í kvöld, morgundagurinn verður bara rólegur og góður, svo eigum við eftir sunnudag og mánudag. Nægur tími til að teygja vísakortið....... Jæja, ég lofaði stuttri færslu, best að fara ekkert að rausa of mikið.... ég gæti alveg röflað um það að Elma var stoppuð í Leifsstöð og þurfti úr skónum því að blessaða gegnumlýsingartækið pípti á hana. Ég gekk í gen og ekkert ves. Annað mál var á Stanstead, þar gekk Elma í gegn en ég fékk mikið væl og var þukluð hátt og lágt. Daman sem þuklaði mig renndi svo málmleitartæki yfir mig alla í ofanálag.... svo bara fékk ég að fara, hún fann engin vopn á mér... hún taldi einna helst að þetta væri brjóstarhaldarinn minn.... ekki truflaði það tækið á Keflavík. Ég held að þetta sé bara happ og glapp hver er stoppaður... stundum pípir og stundum ekki. Nóg um það....... ég læt þetta duga í bili. Ég vona að samstarfsfólkið mitt sé skemmta sér vel á jólahlaðborði, ég mun fá mér eitthvað gott í gogginn í kvöld og skála fyrir þeim. fariði nú vel með ykkur!! F

must see

Mon, 22 Oct 2007 22:35:29 GMT

ómægod, kíkti inn á bloggið hennar Möggu sætu...... varð að stela link frá henni, þetta er svo ótrúlega fyndið..... flottasti fugl í heiminum, endilega skoðið hann

http://birdloversonly.blogspot.com/2007/09/may-i-have-this-dance.html

Eníhú, takk fyrir helgina elskurnar, Anna Lóa, Karen, Baddý, Almar, Damma, Anna Borg og svo góða fólkið á barnum á kaffi ak ;) Neinei mamma, ég var voða róleg ;)

sí jú